Ciau me chiamu Fòcara Sta Fòcara l’ha criata nonnuta, iou suntu pruprità toa, e tieni tuttu lu dirittu cu me cuntrolli. Missaggiu alli Noulini Mpussessate te la Fòcara toa!

Posted on

 

 

Missaggiu alli Noulini

Ciau me chiamu Fòcara, ritornu tutti l’anni, me trou a Noule (LE). Lu mesciu e li vuluntari cu me costruiscene usane le leune ca ccoiene quannu  facene la putatura te le igne.

Pe la festa me rinnou e  su stata sempre  nnu puntu te ncontru pe tutti li fideli allu Santu Patrunu Antoniu Abbate, ca quannu passa cu la prucissione iou me nginucchiu, li cristiani riane numirosi te ogni parte cu me canuscene.

Nu me fazzu bbitere chiui finu all’annu prossimu, intra sti urtimi anni me sta facia ecchia , cu fazzu parlare te mie aggiù  scumudati, pitturi, filusufi ecc… ca me nnuminane

quannu me mpizzicane e le fasciddhre ca sprigionu, e lu scriene intra le lingue te tuttu lu munnu.

Crisciu ca aggiu datu mutu….”Certu me pare ca baggiu viziati”. Nu stati cursi  cu mie, suntu rari l’anni ca pe curpa te lu forte ientu nun aggiu brusciate le sarcine allu versu giustu. Scusame se usu ste parole forti, ma è la Fòcara ca te parla  e bboiu rispettu pee mmie e puru pe ttie.

Perce tie sinti lu veru patrunu miu!. Nu mme ticere ca stai

Rassignatu??.Ricurdate  ca iou me chiamu Fòcara , lu ticia puru Dante (E tie sinti  Noulinu Ufanu ). Sta Fòcara l’ha criata nonnuta, iou suntu pruprità toa, e tieni tuttu lu dirittu cu me cuntrolli. Te lu ticu cu tuttu lu core, iutame cu lluciscu comu nna fiata, nu mme lassare cu mme sbinnene, ffruntamu tuttu nsieme cussi ete ncora cchiu beddhra la festa noscia te lu fuecu.

Mpussessate te la Fòcara toa!